Puti at Dilaw, wagi sa GS Primary Play Day at Intermed Sports Festival

Balita

ni Rowell Gabriel Basilio

Nasungkit ng white team mula sa primary at yellow team mula sa intermed ang kampeonato matapos ipakita ang kanilang galing at talento sa isinagawang GS Primary Playday at Intermed Sports Festival noong ika-26 ng Enero taong kasalukuyan sa Assumpta Technical High School na may temang Following Jesus, we share the gift of joy through recreational Filipino games para sa Play Day at Empowering Young Champions: Assumpta Leads Synodality Through Sports and Recreation para sa Sports Festival.

Napuno ng malalakas na hiyawan at palakpakan ang Assumpta Court 1 sa pagpasok pa lamang ng bawat koponan mula sa una hanggang ikaanim na baitang na nahati sa iba’t ibang pangkat at kulay. Sinimulan ang programa sa pambungad na talumpati ng punong guro na si Gng. Arlene Carlos na kung saan binigyang-diin niya ang kahalagahan ng isports, pagkakaisa, at pagkakaroon ng matatag na determinasyon sa mga hamong kanilang kahaharapin. Sinundan naman ito ng lighting of torch na pinangunahan ng mga lider ng bawat grupo sa intermediate level, oath of sportsmanship, bench yell competition, at warm up exercise.

Bakas sa mukha ng mga mag-aaral ang saya sa iba’t ibang palaro at isports na kanilang sinalihan. Ang mga mag-aaral mula sa una hanggang ikatlong baitang ay nagkaroon ng pagkakataong magpamalas ng kanilang galing at talento sa iba’t ibang larong pinoy tulad ng sack race, patintero, agawang panyo, bato-bato pick, limbo rock, hula-hoop relay, three-legged relay, piko, takbong us, touching ball, at longest line. Ang mga mag-aaral naman mula sa ikaapat hanggang ikaanim na baitang ay nagpakitang gilas sa mga larong basketball, volleyball, warball, badminton, relay, jenga, chess, scrabble, at limbo rock. Nagpakita rin ng kahusayan ang mga piling mag-aaral sa patimpalak sa pagsayaw at pag-awit.

Nagtapos ang pagdiriwang sa isang masayang programa na kung saan humataw at nagtanghal ang mga miyembro ng Dance Troupe at Theater Arts Club, Junior High School Acoustic Club, mga nagwagi sa patimpalak sa pagsayaw at pag-awit, at mga guro mula sa primarya. Kasabay rin nito ang pag-aanunsyo ng mga nanalo sa iba’t ibang palaro at isports at pagbibigay ng mga parangal at papremyo.

Narito ang listahan ng mga grupo at indibidwal na nagwagi sa GS Primary Playday at Intermed Sports Fest:

GS Primary Playday:
Unang Pwesto – Team 10 White
Ikalawang Pwesto – Team 3 Gray
Ikatlong Pwesto – Team 4 Pink at Team 5 Red
Best in Bench Cheer – Team 7 Green

Intermed Sports Fest:
Unang Pwesto – Team 18 Yellow
Ikalawang Pwesto – Team 16 Orange
Ikatlong Pwesto – Team 13 Gray
Best in Bench Yell – Team 15 Red

Basketball Mythical Five:

Niegel Reese L. Briones (Team 16 Orange)
Prince Troy L. Punsalan (Team 18 Yellow)
Prince Jerwin Q. Taruc (Team 14 Pink)
John Joseph T. Bonus (Team 12 Black)
Kneil Angelo A. Sunga (Team 12 Black)

Volleyball Mythical Six:

Nevaeh Elysse J. Maniago (Team 13 Gray)
Patricia Emmanuel Baluyut (Team 14 Pink)
Samantha Keira Venice Gutierrez (Team 14 Pink)
Yuwi Sky B. Galve (Team 17 Green)
Angela Marie Garcia (Team 13 Gray)
Johannah Andrea C. Agana (Team 17 Green)

Most Valuable Players:

Volleyball – Johannah Andrea C. Agana (Team 17 Green)
Warball Boys – Prince Troy L. Punsalan (Team 18 Yellow)
Warball Girls – Jhuriz Marie M. Batu (Team 15 Red)
Basketball – Kneil Angelo A. Sunga (Team 12 Black)

Dance Competition – (Team 13 Gray)